મહાત્મા ગાંધી શ્રમ સંસ્થાનની સ્થાપના વર્ષ ૧૯૭૯ માં મધુર ઔદ્યોગિક સંબંધો અને કામદારોને સામાજીક ન્યાય પૂરો પાડવા માટે તથા શ્રમના ક્ષેત્રમાં સંશોધન, તાલીમ અને શિક્ષણના મુખ્ય હેતુ સાથે કરવામાં આવેલ. આ સંસ્થા ખાનગી તથા જાહેર ક્ષેત્રના અસંગઠીત અને સંગઠીત કામદારો સહિતના શ્રમિકોના ઉદ્દેશોમાં મદદરૂપ થવાનું લક્ષ્ય ધરાવે છે. આ સંસ્થા કામદાર સંઘો, કામદારો અને સામાજીક સંસ્થાઓને સહાયક અનુદાન પણ પુરું પાડે છે. વર્ષ ૨૦૦૯ - ૨૦૧૦ ની વાર્ષિક વિકાસ યોજના માટે રૂ. ૬૦.૦૦ લાખના ખર્ચની દરખાસ્ત કરવામાં આવેલ છે.

શહેરી અસંગઠીત ક્ષેત્રના કામદારોને સામાજીક સુરક્ષા પૂરી પાડવા માટે, સરકારે વર્ષ ૨૦૦૭ માં શ્રમ આયુક્ત, ગુજરાત સરકારની અધ્યક્ષતા હેઠળ ગુજરાત અસંગઠીત કામદાર કલ્યાણ બૉર્ડ (કૃષિ કામદારો સિવાયના) ની સ્થાપના કરેલ છે. વાર્ષિક વિકાસ યોજના - ૨૦૦૭ - ૨૦૦૮ માં, આ બોર્ડ માટે અલગ અંદાજપત્ર શીર્ષક ફાળવાયેલ ન હોવાના કારણે, રૂ. ૫૦ લાખની જોગવાઈ ગ્રામીણ શ્રમ આયુક્તના અંદાજપત્ર શીર્ષક એલ.બી.આર. - ૧૪ હેઠળ કરવામાં આવેલ.

વર્ષ ૨૦૦૮ - ૨૦૦૯ માં આ બૉર્ડ માટે અલગ અંદાજપત્ર શીર્ષક એલ.બી.આર. - ૨૬ ફાળવવામાં આવ્યું. આથી વર્ષ ૨૦૦૭ - ૦૮ અને ૨૦૦૮ - ૦૯ માં જે યોજનાઓ નવી બાબતો તરીકે મંજૂર થયેલ હતી તે વર્ષ ૨૦૦૯ - ૨૦૧૦ માં ચાલુ યોજનાઓ તરીકે ગણવામાં આવેલ છે. એલ.બી.આર. - ૨૬ હેઠળ ચાલુ યોજનાઓ તરીકે નીચેની યોજનાઓના અસરકારક અમલીકરણ માટે રૂ. ૧૬.૭૦ લાખના ખર્ચની દરખાસ્ત કરવામાં આવેલ છે.