પ્રવર્તમાન ધંધાઓમાં રહેલ અસંગઠીત કામદાર કલ્યાણ બૉર્ડ હેઠળ ૧૦૦૦૦ કામદારોની નોંધણી કરવામાં આવશે (કૃષિ કામદારો સિવાયના) અને ૧૦૦૦૦ કામદારો નવા ધ્યાનમાં આવેલા ધંધાઓમાં નોંધવામાં આવશે તથા તેમની સાથે વિસ્તૃત સામાજિક સુરક્ષા યોજનાના લાભો વહેંચવામાં આવશે.

ન્યૂનતમ વેતન ધારા, ૧૯૪૮ હેઠળ કામદારોની ફરિયાદો અને કાર્યવાહીમાં સમજાવટ દ્વારા રૂ. ૧ કરોડની ચુકવણીનું લક્ષ્ય રાખવામાં આવેલ છે.

ઈંટો બનાવવાના ૫૦૦ એકમોમાં જુદા જુદા મજૂર કાયદાઓ હેઠળ તપાસણી કરવામાં આવશે.

૨૦૦૦૦ અગરીયાઓ / મીઠા ઉદ્યોગના કારીગરોના કુટુંબને સહાયિત કિંમતે સાયકલ આપવામાં આવશે.

૧૮ કચેરીઓ દ્વારા ૧૮૦ તાલીમ કાર્યક્રમોનું આયોજન કરીને ૩૬૦૦૦ કામદારોમાં સુરક્ષા અને આરોગ્યની જાગરૂકતા લાવવા માટે વર્ષ ૨૦૦૮ ને “ઔદ્યોગીક સુરક્ષા અને આરોગ્ય વર્ષ” તરીકે ઉજવવામાં આવશે.

“ઔદ્યોગીક સુરક્ષા અને આરોગ્ય વર્ષ” ની ઉજવણીના ભાગ રૂપે, રાજ્યમાં ફિલ્મ, નિબંધ, પોસ્ટર, ફોટાઓ અને સૂત્રો ઉપર સ્પર્ધાઓ યોજવાનું નક્કી કરવામાં આવેલ છે અને એક રાજ્ય કક્ષાની સમિતિ દ્વારા વિજેતાઓ નક્કી કરવામાં આવશે. તેઓનાં નામો રાષ્ટ્રીય સ્પર્ધા માટે મોકલવામાં આવશે.

‘નિરોગી બાળક વર્ષ’ ના ભાગ રૂપે ગોધરા, બાલાસિનોર અને ખંભાતનાં સિલિકાથી થતા ફેફસાનાં રોગો થવાની શક્યતા વાળાં કારખાનાંઓમાં કામ કરતા કારીગરોનાં બાળકોની તબીબી તપાસ.

જોખમી કારખાનાંઓ પર સ્થળ પરની આપાતકાલીન યોજનાઓ અને અન્ય સ્થળ પર આપાતકાલીન યોજનાઓની સુધારણા અને પ્રયોગ હાથ ધરવામાં આવશે. ૧૦% તપાસણી સ્વતંત્ર નિષ્ણાતો દ્વારા કરવામાં આવશે.

૫૦૦૦ કમ્પ્યૂટર સજ્જ કારખાનાંઓને કારખાનાં અધિનિયમ હેઠળ પરવાના આપવામાં આવશે.

પ્રમાણપત્ર આપનાર સર્જનો દ્વારા ૧૨૦૦ જોખમી કારખાનાંઓના ૧૨૦૦૦ કામદારોનું તબીબી પરીક્ષણ.